صحيفة نبض الشعب الاسبوعيه رئيس التحرير جعفر الخابوري

إنا لله وانا اليه راجعون
الصورة دي اخر مرة شفت فيها ابوي ١٨/١/٢٠٢٣ الساعة عشرة تقربيا فالمطار كان مودعني وكان الوداع الاخير بالجد وكنت خاتي ليهو نية اني احججو هو وامي واعمل ليهم مفاجاة وكده بس انا اتفاجات لمن اختي اتصلت وقالت لي البركة فينا ي توكا ابوي مات شهيد قلتا ليها مات شهيد كيف وهو قاعد فالبيت ده كلام شنو ي بت قالت لي هاك امي ،امي قالت ابوك مات شهيد ي توكا في عرضو والحمدلله وعارفاكم رجال المسؤلية بقت عليكم وربنا يقدركم ان شاء الله والشبكة طشت ومن هنا انا في حالة تانية بس الحمدلله .تكون في غربة ومشاكل وبلاوي ويجيك خبر زي ده من الصباح الساعة ٥ (ولله م اعطى ولله م اخذ)
الحمد لله رب العالمين
ابوي استشهد يوم 5/6/2023
الحمدلله على الشهاده
الحمدلله عاش قائد ومات قائد
الحمدلله م رجع وم استسلم وم خان القسم وم خان وطنو...
الله أكبر
الله اكبر
سعاده الشهيد لواء معاش /محمداحمد عمر الفكي
هنيئا لك الجنه.. هنئيا لك رفقه الأبرار والاخيار
هنيئا لك الشهاده.... عشت راجل ومت راجل...
قاوم براه المليشا المرتزقه... الاجبان... 3 عربات.. وهو واحد.. الحمد لله الحمدلله... ماسك مسدسو لحدي م مات... الحمد لله... الرصاص كلو من قدام م اداهم ضهرو... الحمد لله... هو مصاب خايفين منو... نفر واحد وهم 3 عربات وموترين...
بفخر اني ولد الشهيد
ربنا يرحمك ويوسع مرقدك
ابوي مات شهيد دافع عن عرضو.....لكن هم ح يموتو فطايس الخونه المرتزقه... الحمد لله عشت راجل ومت راجل ولي الشرف اني اكون ولدك ي ابوي مريحنا فالدنيا وعايز يريحنا فالاخرة
الله أكبر الله أكبر
ابشر ي ابوي خليت وراك رجال وان شاء الله مكان في جنات الفردوس الاعلى
واسمك شرف اوطان
(ولاتحسبن الذين قلتو في سبيل الله امواتا بل احياء عند ربهم يرزقون) صدق الله العظيم
عن سعد بن زيد عن النبى صلاة الله عليه وسلم قالمن قتل دون ماله فهو شهيد ومن قال دون اهله اومن دون اهله او من دون دمه او دون دينه فهو شهيد ) صدق رسول صلاة عليه وسلم
منقوول